Ukrayna, Kiyev, 25 fevral / müxbir Trend Z.Novosvitskiy / Bu gün Kiyevdə Xocalı soyqırımı qurbanlarının anım mərasimi keçirildi. Tədbirin təşkilatçıları Azərbaycanın Ukraynadakı səfirliyi və Ukrayna Azərbaycanlılarının konqresi idi. Mərasim zamanı Xocalı faciəsinə aid sənədli film göstərildi.
Bundan başqa, bu gün Kiyev-Bakı radio-körpüsü təşkil olundu. Körpünün əsas mövzusu Xocalıda azərbaycanlıların soyqırımı və ukraynalıların 1932-1933-cü illərdə Qolodomor zamanı soyqırıma məruz qalması ilə bağlı oldu.
Verilişdə azərbaycanlı və ukraynalı alimlər, jurnalistlər və diasporun nümayəndələri iştrak etdilər. Radio-körpü Ukraynanın və Azərbaycanın dövlət radio-kanallarında yayımlanacaq.
Sabah, Kiyevdə azərbaycanlıların Ermənistanın Ukraynadakı səfirliyi qarşısında piketinin keçirilməsi planlaşdırılıb.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
