Azərbaycan, Bakı, 29 fevral / Trend , müxbir S.İlhamqızı/ Azərbaycan və türk diaspor təşkilatlarının Koordinasiya Şurasının ilk illik toplantısı keçiriləcək. Trend in məlumatına görə, bu barədə jurnalistlərə Xarici Ölkələrdə Yaşayan Azərbaycanlılarla İş üzrə Dövlət Komitəsinin sədri Nazim İbrahimov məlumat verib. Onun sözlərinə görə, toplantı martın 27-də Berlin şəhərində keçiriləcək.
İclasda Koordinasiya Şurasının həmsədrləri seçiləcək, Azərbaycan-türk diasporunun birgə fəaliyyətinə dair tövsiyə xarakterli qərarlar qəbul olunacaq. Toplantı ilə bağlı dünyanın müxtəlif ölkələrindəki diaspor təşkilatlarına dəvətlər göndərilib.
Koordinasiya Şurası ötən ilin martında Bakıda keçirilmiş Azərbaycan-türk diasporlarının birinci forumunda yaradılmışdı.
İbrahimov əlavə edib ki, türk dünyasında əməkdaşlığın genişləndirilməsi xidmətinə görə Azərbaycan türkdilli dövlətlər arasında lider sayıla bilər.