Azərbaycan, Bakı, 6 mart / Trend , müxbir C. Babayeva/ Dünya Bankı ilə Azərbaycanın Təhsil Nazirliyi arasında 25 mln. dollar həcmində ikinci kredit sazişi hazırlanıb. Bu barədə cümə günü Bakıda jurnalistlərə Azərbaycanın təhsil naziri Misir Mərdanov məlumat verib.
Son səkkiz ildə Azərbaycan tərəfindən təhsil sahəsində həyta keçirilən islahatlara Dünya Bakı 22 mln. dollar vəsait ayırıb.
Nazirin sözlərinə görə, ikinci sazişdə məktəbə qədər və texniki peşə təhsili müəssisələri və müəllimlərin peşəkar hazırlığı üzrə milli prqramın hazırlanması və birinci müqavilə bəndləri üzrə əməkdaşlığın davam etdirilməsi nəzərdə tutulur.
Maliyyə Nazirliyində son görüş keçirilib və ikinci sazişin bütün konturları müəyyən olunub. "Bank krediti Azərbaycan hökumətinə güzəştli şərtlərlə vermək niyyətindədir. Hökumətin payı müəyyən olunduqdan sonra saziş rəsmi olaraq imzalanacaq" - deyə nazir bildirib.
