Azərbaycan, Lənkəran, 03 aprel / Trend , müxbir P.Əliyeva/ Lənkəran rayonunda HİV-ə yoluxanlar son 4 ildə üç dəfəyə yaxın artıb. Bu barədə cümə axşamı Trend New-a Lənkəran rayon Gigiyena və Epidemiologiya Mərkəzinin HİV diaqnostika laboratoriyasının müdiri Rəmiəli İbişov məlumat verib. Onun sözlərinə görə, rayonda 1999-cu ildən başlayaraq HİV-ə yoluxma halları artmaqda davam edir
2004-cü ildə mərkəzdə qeydiyyatda 46, 2006-cı ildə 83, 2007-də118 nəfər olubsa, hazırda bu rəqəm 13 ailəvi olmaqla 133 nəfərə çatıb.
İbişov deyib ki, HİV-ə yoluxanların 112-si kişi (84,2 faiz), 21-i (15,7 faizi)qadın, 2 nəfəri on beş yaşadək olan uşaqdır. İndiyədək 18 nəfər HİV-dən dünyasını dəyişib. Onlardan 14-ü kişi, 4-ü qadındır. HİV-ə yoluxanların 46%-i narkotika aludəçiləri və onların ailə üzvləridir. HİV-ə yoluxanların əksəriyyəti Rusiyada və digər MDB məkanında işləyən kişilərdir.
Onun sözlərinə görə, 2008-ci ilin üç ayında bir ailə daxil olmaqla 15 virus daşıyıcısı aşkar edilib. Ümumilikdə aşkar olunan HİV-li xəstələrdən 29-u kənddə (21,8 faiz),104-ü şəhərdə (78,1 faiz) yaşayanlardır.
Bu il ümumi aşkar olunanlardan biri dünyasını dəyişib.
Lənkəran paytaxt Bakıdan 270 kilometr cənubda yerləşir.
Məqalə müəllifi ilə əlaqə ünvanı: [email protected]