Azərbaycan, Bakı, 14 aprel /müx. TrendLife Safura/
Müğənni Arzu Rzayev sənətdən bir az ayrı düşsə də, sənətçilərdən ayrı düşməyib. Tez-tez sənət dostları ilə görüşən Arzu kənara çəkilməsinin səbəbini səsinin yox, siyasətinin olmamasında görür:"Müğənni olmaq azdır, müğənni kimi tanınmaq, yadda qalmaq, irəli getmək üçün gərək siyasətçi olasan. Elə Elariz Məmmədoğlu kimi. Elariz əsl siyasətçidir. Harda nə etmək lazımdırsa, onu bilir. Elə ona görə də addım-addım gəlib bizi keçib. İndiki zamanda musiqidə oxumaq vacib deyil. Başqa amillər vacibdir. İlk olaraq siyasət. Hər adam onu bacarmır. O cümlədən mən".