...

Azərbaycanlı millət vəkilinin Rusiyada həbs olunmuş oğlunu məhkəmə həbsdən azad etmədi

Cəmiyyət Materials 23 Aprel 2008 17:56 (UTC +04:00)

Azərbaycan, Bakı, 23 aprel / Trend , müxbir K.Zərbalıyeva/ Azərbaycanlı millət vəkilinin Rusiyada həbs olunmuş oğlunun barəsindəki həbs qərarı qüvvədə saxlanılıb.

Millət vəkili İlyas İsmayılovun oğlu Etimad İsmayılovun vəkili Cərulla Ramazanov çərşənbə günü Trend a bildirib ki, onlardan xəbərsiz dünən Çelyabinsk Vilayət Məhkəməsi Etimad İsmayılovun barəsindəki 2 aylıq həbs-qətimkan tədbirini dəyişdirməyib.

İsmayılova qarşı Rusiya Cinayət Məcəlləsinin dələduzluq və çirkli pulları leqallaşdırma maddələri ilə ittiham irəli sürülərək həbs olunub.

O, martın 25-də Bakıdan Moskvaya qayıdarkən Rusiya Federal Təhlükəsizlik Xidmətinin əməkdaşları tərəfindən Domodedovo hava limanında saxlanılıb. İsmayılovun sahibi olduğu "Avroasiya Sənaye-Maliyyə Qrupu" Məhdud Məsuliyyətli Cəmiyyətinə Çelyabinsk qubernatorunun himayəsində olan bir şirkətin 1 milyon dollar məbləğində borcu var.

İsmayılovun kassasiya şikayəti ilə bağlı çıxarılmış qərardan narazı qalan vəkil nəzarət qaydasında yuxarı məhkəməyə müraciət edəcəyini deyib.

Məqalənin  müəllifi ilə [email protected] ünvanı  ilə əlaqə saxlaya bilərsiniz

Xəbər lenti

Xəbər lenti