Gürcüstan, Tbilisi, 30 aprel / Trend , müxbir N. Kirtsixalia/ "Çoxmillətli Gürcüstan" ümumvətəndaş hərəkatı Qeyri-Hökumət Təşkilatının (QHT) həbs olunmuş üzvü, Marneuli rayonunun Sadaxlo kənd sakini Sabir Mehdiyevin azad olunmasını tələb edir. QHT-dən verilən məlumata görə, Meydiyev parlament seçkilərində nəzarətçi kimi qeydiyyatdan keçib.
Marneuli rayonunun Sadaxlo kənd sakini Mehdiyev aprelin 23-də polisin məhkəmə icraçılarına qarşı müqavimət göstərdiyinə görə həbs olunub. Mehdiyev Sadaxlodakı "Gürcüstan-mənim vətənimdir" Qeyri-Hökumət Təşkilatının nümayəndəsi və müxalifətyönlü "Gürcüstanın Respublika Partiyası"nın üzvüdür.
"Çoxmillətli Gürcüstan" ümumvətəndaş hərəkatı Mehdiyevin həbsi ilə əlaqədar olaraq mətbuat konfransı keçirməyi planlaşdırır və bununla da təşkilatın aktiv üzvlərindən birinin həbs olunması faktına qısa zamanda reaksiya verilməsi üçün ictimaiyyətin və beynəlxalq təşkilatların diqqətini cəlb etmək niyyətindədir.
Müəlliflə əlaqə saxlamaq üçün elektron ünvan: [email protected]