Azərbaycan, Bakı, 24 may /müx.TrendLife Şahin Cavadsoy/
İndiki zamanda çox az müğənni tapılar ki, qurduğu ailəsi ilə fəxr etsin. Sözlərimizi təsdiqləyən müğənni Kərimin fikrincə, hər bir sənətçi birinci növbədə şəxsi həyatının nümunəvi tərəfləri ilə öz pərəstişkarlarına örnək olmalıdır. Qeyd edək son günlərdə bəzi həmkarları, müxtəlif qəzetlərdə Kərimin boşanacağı xəbərini gündəmə gətiriblər: "Bir ildən artıqdır ki, mən sevib-seçdiyim Təranə xanımla aildə qurmuşam. Ər-arvaddan öncə bir mehriban iki dostuq. Dırnaqarası həmkarlarımın nəzərinə çatdırmaq istəyirəm ki, ailəmizin dağılmasını arzulayanaların istəyi gözlərində qalacaq. Qoy pərəstişkarlarım yazılanlara inanmasınlar".
Ata titulunu daşıyacağı günü səbirsizliklə gözlədiyini söyləyən müğənni, qadın həmkarlarına da sərt mesaj göndərməkdən çəkinmədi: "Hamiləliyini hər yerdə yeni bir xəbər kimi yayan xanım müğənniləri başa düşmürəm. Onlardan fərqli olaraq, mənim həyat yoldaşım dünyaya uşaq gətirəndən sonra, ata olduğumu hamı biləcək. Boş-boş sözlərlə tamaşaçını bezdirmək lazım deyil. Məncə bu sözlərimi oxuyanlar mənim həmfikir olacaqlar".