Azərbaycan, Bakı, 24 may /müx. TrendLife Eldar Hüseynzadə/
"Qız qalası" qalereyasında "Aytən+..." adlı maraqlı sərgi açılıb. TrendLife-ın verdiyi məlumata görə, sərgi Aytən Rzaquliyeva tərəfindən təşkil olunub. "Bu sərgini mən tək açmamışam. Burada mənim işlərim olduğu kimi, on tələbəmin də işləri nümayiş olunub. Həmin uşaqlar çalışdığım emalatxanaya gəlirlər, onlara tapşırıq verə-verə mən də onlarla bərabər çalışıram"-deyə Aytən bildirib.
Sərgidə Aytən Rzaquliyevanın işlərində başqa Zibəndə Aslanovanın, Təhminə Cəbrayılın, Leyla Ələkbərovanın, Şirin Əliyevanın Nərgiz Tağıyevanın və başqalarının işləri də nümayiş etdirildi. Sərgi hələ bir neçə gün davam edəcək.
