Azərbaycan, Bakı, 22 avqust / Trend , müxbir E.Babayev/ Azərbaycanın Mətbuat Şurasının Şikayətlər üzrə Komissiyası hakim Yeni Azərbaycan Partiyasının (YAP) müxalif "Azadlıq" qəzetınə qarşı şikayətini araşdırıb.
Trend - a Şuradan verilən məlumata görə, komissiya qəzetin "Oliqarx məmurlar YAP-ı ələ keçirirlər" (22 iyul 2008) və "YAP-da pul davası" (25 iyul 2008) sərlövhəli yazılarında Jurnalistlərin Peşə Davranışı Qaydalarını pozması barədə rəy verib. Bu zaman qəzetin məqalələrdə konkret sənəd, fakt, dəlil-sübutlara əsaslanmadan "mötəbər mənbə" adı ilə təşkilatın nüfuzuna zərbə vurmağa yönələn fikirlərə yer verməsi əsas götürülüb.
Bakı Şəhər Baş Polis İdarəsinin "Təzadlar" qəzetinin 5 -12 avqust 2008 - ci il tarixli sayında dərc edilmiş "Polislə fahişələrin iş birlıyi" sərlövhəli yazı ilə əlaqədar müraciətinə baxılarkən də məqalənin bir sıra etik prinsiplərə sayğısızlıqla təqdim olunduğu göstərılib.
Komissiyanın iclasında "Reportyorların Azadlıq və Təhlükəsizlik İnstitutu" İctımai Birliyinin 2 nəşrdə "Hürriyyət" ("Emin Hüseynov həqıqətən döyülüb?") və "Gündəlik Bakı" qəzetində ("Emin Hüseynli növbəti "qurban" rolunda") gedən yazılarla bağlı şikayətınə də baxıb. İclasda tərəflər arasında yaranmış anlaşmaya uyğun şəkildə, hər iki KİV-ə növbəti saylarında RATİ sədri Hüseynovun mövqeyini əks etdirən yazı vermələri tövsiyə olunub.
Məqalə müəllifi ilə əlaqə ünvanı: [email protected]