Azərbaycan, Bakı, 23 sentyabr / Trend , K.Zərbalıyeva/ Rüşvət almaqda ittiham olunan Goranboy rayon Polis İdarəsinin Cinayət-axtarış şöbəsinin sabiq rəisinin məhkəməsi başlayıb.
Çərşənbə axşamı keçirilən prosesdə şahidlər dindirilib.
İstintaq materiallarında qeyd olunub ki, sabiq şöbə rəisi, polis kapitanı Rəfael Nəzərov rəhbər vəzifədə işlədiyi 1998-2000-ci illərdə narkotiklərin qanunsuz dövriyyəsinə görə təqsirli bilinərək həbs olunmuş bir neçə şəxsi rüşvət alaraq qanunsuz olaraq həbsdən azad edib. O həmçinin Cinayət Məcəlləsinin vəzifə səlahiyyətini aşma, qanunsuz azadlıqdan məhrum etmə cinayətlərində də ittiham olunur.
Özünü elan olunmuş ittihamda təqsirli bilməyən Nəzərov məhkəmə istintaqı zamanı vəkildən imtina edib.
Proses davam edir.
Müəlliflə əlaqə saxlamaq üçün elektron ünvan- [email protected]