Azərbaycan, Bakı, 05 noyabr / Trend , müxbir K.Zərbalıyeva/ Azərbaycanda 14 dövlət orqanındakı198 vakant dövlət qulluğu vəzifəsinin tutulması üçün müsahibə yekunlaşıb.
Prezident yanında Dövlət Qulluğu Məsələləri üzrə Komissiyadan çərşənbə günü verilən məlumata görə, 47 namizəd müsahibəni uğurla başa vurub.
Namizədlərin əksəriyyəti -16-sı Əmək və Əhalinin Sosial Müdafiəsi Nazirliyi, 9-u İqtisadi İnkişaf Nazirliyi, 8-i Daşınmaz Əmlakın Dövlət Reyestri Xidmətindəki vakant vəzifələrə seçilib. Standartlaşdırma, Metrologiya və Patent üzrə Dövlət Agentliyi, Dövlət Sosial Müdafiə Fondu və Dövlət Dəniz Administrasiyasındakı vakant yerlərə müsahibədən keçən namizəd olmayıb. Müsahibə sentyabrın 20-də başlayıb, noyabrın 5-də başa çatıb. Qeydə alınmış 110 namizəddən 3-ü müsahibədə iştirak etməyib.
Müəlliflə əlaqə saxlamaq üçün elektron ünvan- [email protected]
