Azərbaycan, Bakı, 26 noyabr/ Trend Life , müxbir Eldar Hüseynzadə/ "Bir dəfə Amerikada" əfsanəvi kinohitinin müəlliflərindən biri Kler Dauns treninq keçirəcək. Treninq noyabrın 29-dan dekabrın 4-dək Müstəqil Kino Xadimləri Assosiasiyası - Cənubi Qafqazın (IFA-SC) dəstəyi ilə Tbilisidə təşkil olunacaq. Tədbirdə Azərbaycan kinomatoqrafçıları da iştirak edəcək. IFA-SC-ın Azərbaycanda "Nərimanfilm" kinostudiyasındakı nümayəndələrinin Trend Life-a verdiyi məlumata görə, treninqdə ölkəmizdən yazıçı-fantast Aleksandr Hakimov; nasir, RDKİ-nin ssenari fakultəsinin (R.İbrahimbəyovun emalatxanası) tələbəsi Nərgiz Bağırzadə, Bakı Beynəlxalq Kino Məktəbinin tələbəsi Fariz Əhmədov, rejissor Vüqar Nağıyev və prodüser Leyla Dostəlizadə iştirak edəcək.
Treninqi aparanlardan biri tanınmış prodüser Luçiano Qloor (İsveçrə) olacaq.
Məqalə müəllifi ilə əlaqə ünvanı: [email protected]