Azərbaycan, Bakı, 28 noyabr/ Trend , müxbir R.Ergün/ Voleybol üzrə Azərbaycan yığma komandasının üzvləri - Valeri Korotenko və Oksana Parxomenkonun çıxış etdiyi Türkiyə klubu qələbə qazanıb.
Azərbaycanlı voleybolçuların çıxış etdiyi "Fənərbaxça Acıbadem" klubu Türkiyə kubokunun ikinci mərhələsində "DYO Karşıkaya" komandasına 3:0 hesabı ilə qalib gəlib.
Korotenko və Parxomenko "Fənərbaxça Acıbadem"in heyətində ən yaxşı oyunçular olublar. Türkiyə mətbuatı onların oyununu ən yüksək qiymətlə - üç ulduzla qiymətləndirb.
Bu qələbə "Fənərbaxça Acıbadem"i Türkiyə kubokunun üçüncü mərhələsinə çıxarıb.
"DYO Karşıkaya" voleybol üzrə Avropa "Çelens" kubokunda Azərbaycanın "Rabitəçi" klubunun rəqibidir. Bu komandalar arasında ilk oyun dekabrın 10-da keçiriləcək.
Məqalə müəllifi ilə əlaqə ünvanı: [email protected]