Azərbaycan, Bakı, 10 aprel / Trend , müxbir C.Babayeva /
Azərbaycanda abituriyentlər üçün ilk sınaq imtahanları aprelin 12-də Bakı, Gəncə və Sumqayıt şəhərlərində iki növbədə - saat 09:00 və 13:30-da keçiriləcək.
Sınaq imtahanının keçirilməsi üçün Bakı şəhərində 16, Sumqayıt şəhərində 2, Gəncədə 2, digər bölgələrin hər birində isə 1 bina ayrılıb. İmtahana 1012 nəzarətçi-müəllim, 270 imtahan rəhbəri cəlb olunub. Sınaq imtahanının nəticələri aprelin 19-dan etibarən Tələbə Qəbulu üzrə Dövlət Komissiyasının (TQDK) internet səhifəsində yerləşdiriləcək. Bu barədə cümə günü TQDK-nın yaydığı məlumatda bildirilib.
İlk sınaq imtahanları ümumilikdə Azərbaycanın 14 şəhərində - Bakı, Naxçıvan, Gəncə, Sumqayıt, Mingəçevir, Şirvan, Lənkəran, Quba, Şəmkir, Qazax, Yevlax, Sabirabad, Biləsuvar və Kürdəmirdə keçiriləcək.
Məqalə müəllifi ilə əlaqə ünvanı: [email protected]