...

Azərbaycan Mətbuat Şurası məhkəməyə verilib

Cəmiyyət Materials 27 May 2009 11:02 (UTC +04:00)

Azərbaycan, Bakı, 27 may / Trend , müxbir K.Zərbalıyeva /

Azərbaycan Mətbuat Şurası məhkəməyə verilib.

"Nota" qəzetinin məhkəmədə hüquqlarını müdafiə edəcək nümayəndə İntiqam Əliyev çərşənbə günü Trend -a bildirib ki, qəzetinüquq Maarigçiliyi Cəmiyyət həmin quruma qarşı ifadə azadlığının pozuntusu və işgüzar nüfuza vurulan ziyanla bağlı Binəqədi Rayon Məhkəməsində iddia qaldırıb.

Qəzet iddia edir ki, Mətbuat Şurası onu 71 KİV-dən biri olaraq "reket qəzet" elan etdiyindən işgüzar nüfuzuna ziyan vururlub. "Nota" qəzeti bildirir ki, Mətbuat Şurasının üzvü olmadığı üçün həmin qurumun bu qəzetlə bağlı hər hansı qərar qəbul etmək səlahiyyəti yoxdur. Bu səlahiyyət nə qanunvericilikdə, nə də Mətbuat Şurasının təsis sənədlərində nəzərdə tutulmayıb.

İddiaçı Mətbuat Şurasının 24 aprel 2009-cu il tarixli qərarının qanunsuz sayılması, yaydığı məlumatı təkzib olunması və qəzetin işgüzar nüfuzuna vurulan ziyana görə cavabdehdən 1 manat tutulması tələblərini irəli sürüb.

"Nota" qəzetinin 15-21 fevral tarixli nömrəsində qəzetin redaksiyasına daxil olan şikayət ərizələri əsasında "Dələduz" "Hikmət kimdi?", yaxud "Nazir Füzuli Ələkbərovun və naməlum deputatın bərkgedən qohumu" sərlövhəli yazı dərc olunub.

"Mingəçevir Tikinti-1" MMC-nin rəisi Hikmət Heydərov yazıların heç bir fakta, dəlil-sübuta əsaslanmadığını və yazılarda onun şərəf və ləyaqətini təhqir edən, işgüzar nüfuzuna xələl gətirən fikirlərin olması ilə əlaqədar Azərbaycan Mətbuat Şurasına şikayət məktubu ünvanlayıb.

Mətbuat Şurası Heydərovun şikayətinə baxaraq, 24 aprel 2009-cu il tarixli, 133 nömrəli qərarı ilə "Nota" qəzetini "reket" qəzetlər siyahısına daxil edib.

Mətbuat Şurasının qərarında göstərilib ki, "Nota" qəzetinin fəaliyyətində etik prinsiplərə sayğısızlıq aparıcı xətti təşkil etdiyindən qəzetin "reket qəzet" kimi elan olunması məqsədə müvafiqdir.

"Nota" qəzeti məhkəməyə ünvanladığı ərizədə göstərib ki, Mətbuat Şurasının 24 aprel 2009-cu il tarixli qərarı Ərizəçinin Azərbaycan Respublikası qanunvericiliyi və İnsan hüquqlarının və əsas azadlıqların müdafiəsi haqqında Konvensiyanın 10-cu maddəsi ilə təminat verilən ifadə azadlığını pozub.

Məqalə müəllifi ilə əlaqə ünvanı: [email protected]

Xəbər lenti

Xəbər lenti