Azərbaycan, Bakı, 24 iyun / Trend , müxbir A.Hüseynbala /
Azərbaycanın müxalif partiyasının təsis etdiyi "Millət" qəzetinin internet versiyası faəliyyətə başlayıb.
"Millət" qəzetinin Azərbaycanda demokratik və azad mətbuatın inkişafında müəyyən rolu olub. Bu gün internet resurslarının informasiya şəbəkəsində önəmini nəzərə alaraq qəzetin internet versiyasını hazırlamağı qərara aldıq", - çərşənbə günü Trend -a Azərbaycan Milli İstiqlal Partiyasının (AMİP) mətbuat və təbliğat katibi, internet qəzetin baş redaktoru Əli Orucov bildirib.
Trend -un arayışı: "Millət" qəzeti nəşrini 2004-cü ildən dayandırıb.
Azərbaycanda 3300-dən çох kütləvi infоrmаsiyа vаsitəsi qеydiyyаtdаn kеçib. Hаzırdа оnlаrdаn 600-ə yахını fəaliyyət göstərir. Təхminən 400-ə qədər qəzеt və jurnаl dərc оlunur, 20-dən çoх tеlеkаnаl fəаliyyət göstərir. Аzərbаycаndа 50-yə yaxın elektron KİV, təxminən 20 informasiya agentliyi vаr. Qalanları isə internet resurslarıdır.
Orucovun sözlərinə görə, oxucuların internet qəzetini "millet.az" saytından oxumaq imkanı olacaq. "Cəmiyyətə operativ, obyektiv və dəqiq informasiya verməyə çalışacağıq. Düşünürəm ki, təcrübəli jurnalistlərdən ibarət yeni kollektivimiz bu məsuliyyətin öhdəsindən bacarıqla gələcək", - baş redaktor əlavə edib.
АMİP 1992-ci ildə yаrаdılаn və Аzərbаycаndа ilk dövlət qеydiyyаtınа аlınаn pаrtiyаdır. Etibar Məmmədov 2004-cü ilin sonunda partiyanın sədrliyindən istefa verdikdən sonra partiya daxilində parçalanma baş verib. Ondan sonra AMİP-in sədri olan Əli Əliyevə qarşı partiya daxilində narazılıq yarandığı zaman partiya üzvlərinin bir qismi AMİP-dən gediblər
Еtibаr Məmmədоv hаzırdа Bеynəlxаlq Dеmоkrаt İttifаqının (BDİ) sədr müаvinidir.
Məqalə müəllifi ilə əlaqə ünvanı:[email protected]