...

Azərbaycanın cənubunda onkoloji xəstəliklərdən ölənlərin sayı artıb

Cəmiyyət Materials 17 İyul 2009 17:49 (UTC +04:00)
Azərbaycanın cənubunda altı ayda 83 onkoloji xəstə dünyasını dəyişib.

Azərbaycan, Lənkəran,17 iyul / Trend , müxbir P.Əliyeva /

Azərbaycanın cənubunda altı ayda 83 onkoloji xəstə dünyasını dəyişib.

Lənkəran Rayonlararası Onkoloji Dispanserinin baş həkimi Əli Əliyev cümə günü Trend -a bildirib ki, bu göstərici ötən ilin müvafiq dövründə olan göstəricidən artıqdır.

"2008-ci ilin altı ayında onkoloji xəstəliklərdən 56 xəstə ölmüşdü", - baş həkim vurğulayıb.

Əliyev bildirib ki, bu bölgə üzrə ümumi qeydiyyatda olan 367 xəstə var.

Xəstələrin 97 nəfəri cari ilin birinci yarımilində aşkarlanıb ki, bu da ötən ilin müvafiq dövründə aşkar edilən xəstələrdən 15 nəfər çoxdur.
Əksəriyyətini qadınların təşkil etdiyi xəstələrdə döş vəzisinin, cinsiyyət orqanlarının, kişilərdə isə ağciyər, qaraciyər və mədə-bağırsaq sisteminin xərçəngi daha çoxdur.

Dispanser Biləsuvar, Cəlilabad, Masallı, Lənkəran, Astara, Lerik, Yardımlı rayonlarını əhatə edir.

Məqalə müəllifi ilə əlaqə ünvanı: [email protected]

Xəbər lenti

Xəbər lenti