Azərbaycan, Bakı, 18 avqust / Trend , müxbir C.Babayeva /
Azərbaycanlı cüdoçular yalnız onların təhlükəsizliyinə Ermənistan hökuməti və Beynəlxalq Cüdo Federasiyası tərəfindən təminat veriləcəyi halda gənclərin Yerevandakı Avropa çempionatında iştirak edə bilərlər.
"Azərbaycan Cüdo Federasiyası dövlət orqanlarına müraciət edərək, diplomatik kanallar vasitəsilə Ermənistan tərəfindən cüdoçularımızın təhlükəsizliyinə təminat verilməsinə nail olmağı xahiş edib", - çərşənbə axşamı Trend -a Azərbaycan Cüdo Federasiyasının baş katibi Zair Məmmədov deyib.
Gənc cüdoçular arasında Avropa çempionatı sentyabrın 9-14-də Yerevanda keçiriləcək. Çempionatda 39 ölkədən nümayəndə heyətləri iştirak edəcək. İdmançıların ümumi sayı 500 nəfərə yaxın olacaq.
"Azərbaycanlı cüdoçular yarışlarda iştirakdan çəkinmirlər", - Məmmədov bildirib.
Federasiyanın Baş katibi qeyd edib ki, azərbaycanlı cüdoçular çempionatda Azərbaycan bayrağını layiqincə qaldıra bilərlər.
Məqalə müəllifi ilə əlaqə ünvanı: [email protected]