Azərbaycan, Bakı, 29 sentyabr / Trend , muxbir H.Bağırov/
Azərbaycan Mərkəzi Bankının əməkdaşlarına hökm oxunub.
Trend -un məlumatına görə, çərşənbə axşamı Ağır Cinayətlərə Dair İşlər üzrə Məhkəmənin hökmü ilə Mərkəzi Bankın saxlanc şöbəsinin müdirəsi Firəngiz Hacıyevaya 3 və kassa-əməliyyat şöbəsinin müdiri Ərşad Cəlilova əmlakı müsadirə olunmaqla 6, xəzinədarlar Şəhnaz Səmədovaya 8, Nazilə Bağırovaya 8 və Könül İsmayılovaya 8 il azadlıqdan məhrum etmə, Səbinə Məmmədovaya isə 2 il şərti cəza verilib.
Hacıyeva və Cəlilov 2, Məmmədova 1, digərləri isə 3 il müddətinə dövlət qulluğunda vəzifə tutmaq hüququndan məhrum ediliblər.
Həmin şəxslər Mərkəzi Bankdan 2003-cü ildən 2008-ci ilə qədər 7 milyard (köhnə Azərbaycan manatı ilə) manat mənimsəyiblər.
Ötən ilin dekabrında Milli Təhlükəsizlik Nazirliyinin keçirdiyi əməliyyat tədbirləri nəticəsində dəstə üzvləri tutulub.
Mərkəzi Bankın saxlanc şöbəsinin müdirəsi Firəngiz Hacıyeva və kassa-əməliyyat şöbəsinin müdiri Ərşad Cəlilov, xəzinədarlar Şəhnaz Səmədova, Nazilə Bağırova və Könül İsmayılova Cinayət Məcəlləsinin vəzifə səlahiyyətlərindən sui-istifadə (308.2), mənimsəmə və ya israf etmə (179.3.2), rəsmi sənədləri, ştampları, möhürləri oğurlama və ya məhv etmə (326), Səbinə Məmmədova isə səhlənkarlıq (314.2-ci ) maddələri ilə ittiham olunurlar.
Məqalə müəllifi ilə əlaqə ünvanı: [email protected]