Azərbaycan, Bakı, 5 noyabr / Trend , muxbir H.Bağırov/
Azərbaycanda bankdan külli miqdarda kredit götürüb mənimsəyən sahibkara 9 il iş verilib.
Trend -un məlumatına görə, Ağır Cinayətlərə Dair İşlər üzrə Məhkəmədə Qax fındıq zavodunun təsisçisi Mircəlal Nəsrullayevin barəsindəki məhkəmə prosesi yekunlaşıb.
Dələduzluqda ittiham olunan Nəsrullayevə məhkəmənin hökmü ilə əmlakı müsadirə olunmaqla 9 il azadlıqdan məhrumetmə cəzası verilib.
Nəsrullayev 2007-ci ildə zavoda investisiya yatırmaq məqsədilə digər təsisçi Novruz Hüseynovla birgə bankdan 213 min manat məbləğində kredit götürüb. Bunun əvəzində isə banka Hüseynovun Bakı şəhərində yerləşən mənzilini girov qoyublar.
Nəsrullayev krediti investisiya kimi yatırmaq əvəzinə mənimsəyib.
Hüseynov 2008-ci ilin aprelində Nəsrullayev barəsində Baş Prokurorluğa müraciət edəndən sonra faktla bağlı araşdırma aparılıb və sahibkar cinayət məsuliyyətinə cəlb olunub.
Məqalə müəllifi ilə əlaqə ünvanı: [email protected]
