Azərbaycan, Bakı, 17 fevral / Trend , müxbir K.Zərbalıyeva/
Azərbaycanda həbsdə olan blogerlər hakimlərə etiraz verdiyi üçün məhkəmə iclası təxirə salınıb.
Bakı Apelyasiya Məhkəməsindən Trend -a verilən məlumata görə, Emin Milli və Adnan Hacızadənin apellyasiya şikayəti üzrə keçirilən prosesdə vəkillər məhkəmə tərkibinə etiraz edib.
Etiraza Bakı Apelyasiya Məhkəməsinin sədri tərəfindən baxılacağı nəzərə alınaraq proses martın 3-nə kimi təxirə salınıb.
Emin Milli və Adnan Hacızadə Cinayət Məcəlləsinin 127.2.3 (qəsdən sağlamlığa az ağır zərər vurma) və 221.2.1 (xuliqanlıq) maddələri üzrə təqsirli bilinirlər. Səbail rayon məhkəməsinin 11 noyabr 2009-cu il tarixli hökmü ilə Emin Milli 2 il 6 ay, Adnan Hacızadə isə 2 il müddətinə azadlıqdan məhrum edilib.