Azərbaycan, Bakı, 30 aprel /Trend, müxbir K.Zərbalıyeva/
Ali Məhkəmənin Plenumunda Bakının Yasamal rayon məhkəməsinin hakiminin Məhkəmə-Hüquq Şurasının (MHŞ) qərarından verdiyi şikayətə baxılıb.
Ali Məhkəmənin mətbuat xidmətindən Trend-ə verilən məlumata görə, bu gün Ramiz Rzayevin sədrliyi ilə Ali Məhkəmənin Plenumu keçirilib. Plenum Südabə Məmmədovanın hakimlik səlahiyyətinə xitam verilməsi barədə MHŞ-nin qərarından verdiyi şikayəti təmin etməyib.
Məhkəmə-Hüquq Şurasının bu il fevralın 4-də çıxardığı qərarla Məmmədovanın yol verdiyi qanun pozuntularına görə, səlahiyyətlərinə xitam verilib.
Plenumun iclasında konkret cinayət və mülki işlərə də baxılıb və müvafiq qərarlar qəbul edilib.