Azərbaycan, Bakı, 3 sentyabr /Trend, müxbir M.Əliyev/
Azərbaycan Ərazilərinin Minalardan Təmizlənməsi üzrə Milli Agentlik (ANAMA) 6-10 sentyabrda mina aksiyaları üzrə təlimin qiymətləndirilməsinə dair beynəlxalq təlim-seminar keçirəcək. Bu barədə ANAMA-nın mətbuat xidmətindən cümə günü Trend-ə bildirilib.
Təlimdə Əfqanıstan, Tacikistan, Gürcüstan, İordaniya, Yeni Zelandiya və Azərbaycanın mina təmizləmə üzrə mərkəzlərinin nümayəndələri iştirak edəcək.
Təlim-seminar Cenevrə Beynəlxalq Humanitar Minatəmizləmə Mərkəzi (GICHD) və Qiymətləndirmə Təliminin İnkişafı Beynəlxalq Proqramı (IPDET) ilə birgə keçiriləcək.