Azərbaycan, Bakı, 18 oktyabr /Trend, müxbir S.Süleymanov/
Bazar ertəsi Astanada Nyu-York imamı Feysəl Əbdül Raufun Qazaxıstanın dövlət katibi, xarici işlər naziri Kanat Saudabayevlə görüşünün əsas mövzusu tolerantlığın tərbiyəsi və digər xalqların adət-ənənə və mədəniyyətlərinə hörmət olub.
Görüşdə qeyd edilib ki, islamın dünyada artan rolu fonunda milli və dini mənsubiyyətindən asılı olmayaraq bütün insanlar üçün xüsusilə vacib olan mənəvi dəyərlərin vəhdətini göstərməkdir. Bu barədə XİN-in press-relizində deyilir.
İmam Feysəl Əbdül Rauf ABŞ Prezidentinin islam dünyası ilə dialoqun yaradılması üzrə xüsusi nümayəndəsidir. O, Astanada Ümumdünya Dini Mədəniyyət Forumunda iştirak edir.
"Biz ABŞ Prezidentinin xüsusi nümayəndəsinin islam dünyası ilə dialoqun, həm qlobal, həm də milli səviyyədə dinlərarası və etniklərarası dialoqun qurulması, onun Qazaxıstanın İslam Konfransı Təşkilatında qarşıdan gələn sədrliyi kontekstində dinlərarası dialoq məsələləri ilə bağlı əməkdaşlıq fəaliyyətini alqışlayırıq", - Saudabayev görüş zamanı deyib.
Görüşdə dinlərarası dialoqun inkişaf perspektivləri, dini liderlərin beynəlxalq təhlükəsizliyin möhkəmləndirilməsində rolu müzakirə edilib. Bununla əlaqədar Qazaxıstan Prezidenti Nursultan Nazarbayevin islam dünyası və Qərb arasında qarşılıqlı anlaşmanın möhkəmlənməsinə verdiyi əhəmiyyətli töhfə xüsusilə qeyd edilib.
Dünyada məhz bu konteksdə Qazaxıstanın Astanada dünyəvi və ənənəvi dini liderlərin iclasının keçirilməsi ilə bağlı təşəbbüsü qəbul edilir.
