Azərbaycan, Bakı, 16 fevral /Trend, müxbir K.Zərbalıyeva/
Azərbaycanın Konstitusiya Məhkəməsi Goranboy rayon məhkəməsinin müraciətinə baxacaq.
KM-dən Trend-ə verilən məlumata görə, Goranboy rayon məhkəməsi Cinayət Məcəlləsinin 221.3-cü (xuliqanlıq, silahdan və ya silah qismində istifadə edilən əşyaları tətbiq etməklə törədildikdə) maddəsinin şərh olunmasını istəyir.
Məhkəmədən bidirilib ki, KM bir neçə il öncə xuliqanlıqda silah qismində istifadə olunan əşyalarla bağlı qərar qəbul etmişdi.
Məhkəmələr işlərə baxarkən, silahın tətbiqi ilə bağlı məsələdə fikir ayrılığı yaranır.
"Silahın tətbiqi dedikdə ondan birbaşa istifadə, yoxsa silahın nümayişi başa düşülüməlidir? Xuliqanlıqla bağlı işlərə məhkəmələrdə baxılanda da bu məsələ ilə bağlı məhkəmələrdə fikir ayrılığı yaranır", - Məhkəmədən bildirilib.