Azərbaycan, Bakı, 4 mart /Trend, müxbir K.Zərbalıyeva/
Azərbaycan sərhədçiləri ötən ay ərzində axtarışda olan 70 nəfəri saxlayıblar.
Azərbaycan Dövlət Sərhəd Xidmətinin (DSX) mətbuat xidmətindən cümə günü Trend-ə verilən məlumata görə, saxlanılan şəxslər hüquq-mühafizə orqanlarına təhvil verilib.
Fevral ayı ərzində 33 halda dövlət sərhədinin pozulmasının qarşısı alınıb, nəticədə 55 nəfər saxlanılıb.
Tutulan sərhəd pozucularından 38-i Azərbaycan, 2-si Gürcüstan, 1-i İran, 1-i Polşa vətəndaşıdır.
Sərhəd pozucularından 13 nəfəri qeyri-leqal miqrasiyaya qarşı mübarizə tədbirləri nəticəsində saxlanılıb. Onlardan 11-i Banqladeş, 2-si isə Moldova vətəndaşlarıdır.
Fevralda sərhədçilər qanunsuz dövriyyədən 11 halda 5 kiloqram 558 qram narkotik maddə çıxarıblar.
Həmçinin, 57 halda ümumi dəyəri 274 706 manat olan qaçaqmal saxlanılıb.