Azərbaycan, Bakı, 11 mart /Trend, müxbir K.Zərbalıyeva/
Novruz bayramı ilə əlaqədar ilaxır çərşənbə münasibətilə Bakı şəhər İcra Hakimiyyəti bayram şənliyi keçirəcək.
Bakı şəhər İcra Hakimiyyətindən cümə günü Trend-ə verilən məlumata görə, martın 15-də saat 12:00-da "Azneft" meydanından dəvələrdən ibarət karvanla hərəkət edərək Suraxanı rayonu Atəşgah məbədindən od götürən milli geyimli oğlan və qızlar musiqi sədaları altında Novruz personajlarının iştirakı ilə gətirilən odla saat 19:00-da Qız qalasının üstündəki məşəli alovlandıracaqlar.
İlaxır çərşənbə münasibətilə incəsənət ustalarının iştirakı ilə bayram konserti və atəşfəşanlıq təşkil ediləcək.
İcra Hakimiyyəti paytaxt sakinlərini konsertə və atəşfəşanlığa dəvət edir.