Gürcüstan, Tbilisi, 16 mart /Trend, müxbir N.Kirsxaliya/
Gürcüstanın hüquq-mühafizə orqanları Azərbaycan vətəndaşını narkotik satarkən saxlayıblar.
Patrul və sərhəd polisinin birgə əməliyyatı nəticəsində Maqsud Hacıyev Gürcüstan-Azərbaycan sərhədinin "Qırmızı körpü" nəzarət-buraxılış məntəqəsinin yaxınlığında saxlanılıb. Bu barədə Trend-ə Gürcüstanın sərhəd polisindən məlumat verilib.
O, narkotiki Gürcüstan vətəndaşlarına satan zaman saxlanılıb.
Faktla bağlı cinayət işi qaldırılıb, araşdırma aparılır.