Azərbaycan, Bakı, 7 may /Trend/
Gənc şahinlər qalibiyyət uğrunda yarışacaq.
Gənclər və İdman Nazirliyindən şənbə günü Trend-ə bildiriblər ki, "Şahin" hərbi idman oyunu üzrə respublika final yarışı mayın 10-da Naxçıvanski adına Hərbi Liseydə olacaq.
Komanda yarışdan bir gün öncə - mayın 9-da saat 16:00-da Fəxri xiyabanda ümummilli lider Heydər Əliyevin məzarını və Şəhidlər xiyabanını ziyarət edəcək.
Həmin gün gənclərin asudə vaxtının daha səmərəli təşkili üçün Azərbaycan Dövlət Gənc Tamaşaçılar Teatrında konsert proqramı keçiriləcək.