...

Ukraynada "Eurovision 2011"-də Azərbaycana dəstək kampaniyası keçiriləcək

Cəmiyyət Materials 13 May 2011 17:46 (UTC +04:00)
Ukraynada Azərbaycan Gənclər Birliyinin (UAGB) təşkilatçılığı ilə "Eurovision-2011" mahnı müsabiqəsində Azərbaycan təmsilçilərinin dəstəklənməsi üçün kampaniya keçiriləcək.
Ukraynada "Eurovision 2011"-də Azərbaycana dəstək kampaniyası keçiriləcək

Azərbaycan, Bakı, 13 may /Trend, müxbir M.Əliyev/

Ukraynada Azərbaycan Gənclər Birliyinin (UAGB) təşkilatçılığı ilə "Eurovision-2011" mahnı müsabiqəsində Azərbaycan təmsilçilərinin dəstəklənməsi üçün kampaniya keçiriləcək. Trend-in məlumatına görə, bu barədə cümə günü UAGB-dən bildiriblər.

Kiyevin məşhur restoranlarından birində təşkil olunacaq "Ukrayna, Azərbaycana 12 bal verin" adlı kampaniyaya həsr olunan tədbirdə Eldar və Nigarın çıxışı canlı yayımda nümayiş olunacaq.

200-dən çox azərbaycanlı və ukraynalı gəncin iştirak edəcəyi tədbirdə müxtəlif hədiyyələrin təqdim olunması gözlənilir.

Düsseldorfda "Esprit Arena"da keçirilən "Eurovision-2011" mahnı müsabiqəsinin I yarımfinalında Azərbaycan təmsilçiləri Eldar Qasımov Nigar Camal uğurla çıxış ediblər.

Təmsilçilərimiz isveçli müəlliflərə məxsus "Running Scared" mahnısını uğurla ifa ediblər. Düsseldorf səhnəsində Avropa ictimaiyyəti qarşısında "El&Nikki" səhnə adı ilə çıxış edən Azərbaycan təmsilçiləri mayın 14-də keçiriləcək final mərhələsinə vəsiqə qazanıblar.

Xəbər lenti

Xəbər lenti