Azərbaycan, Bakı, 20 iyun /Trend, müxbir K.Zərbalıyeva/
Azərbaycanda sosial qanunvericiliyin təkmilləşdirilməsi məqsədilə təkliflər hazırlanacaq.
Azərbaycan Hüquqşünaslar Konfederasiyasından Trend-ə verilən məlumata görə, vətəndaşların sosial rifahının yaxşılaşdırılması, layiqli həyat səviyyəsinin təmin olunması sahəsində qanunvericiliyin təkmilləşdirilməsi işinə dəstək məqsədilə AHK Almaniyanın Fridrix Ebert Fondunun dəstəyi ilə yeni layihənin icrasına başlayıb.
Layihə çərçivəsində sosial müdafiəyə ehtiyacı olan insanların dövlət qayğısından kənarda qalmaması, sosial qanunvericiliyin təkmilləşdirilməsi sahəsində daha ədalətli metodikanın işlənməsi üzrə təkliflərin hazırlanması nəzərdə tutulub.
AHK tərəfindən pensiya təminatı, sosial müavinətlər, ünvanlı sosial yardımların verilməsi qaydalarının təkmilləşdirilməsi sahələrində də təkliflər hazırlanacaq.