Azərbaycan, Bakı, 12 avqust /Trend, müxbir T.Hacıyev/
Dövlət Taxıl Fondu buğdanın alış qiymətini qaldırıb. Bu barədə cümə günü Trend-ə Fövqəladə Hallar Nazirliyindən (FHN) məlumat verilib.
Məlumatda qeyd olunub ki, Dövlət Material Ehtiyatları Agentliyi Dövlət Taxıl Fondu üçün ölkədə istehsal olunmuş yüksək keyfiyyətli buğdanın tədarükünü davam etdirir. Bu məqsədlə, cari ilin avqustun 12-dən etibarən yerli buğda istehsalçılarından alınan yüksək keyfiyyətli buğdanın hər tonu üçün alış qiyməti 230 AZN-dən 250 AZN-ə qaldırılıb.