Azərbaycan, Bakı, 19 avqust /Trend/
Bakı şəhər İcra Hakimiyyətinin sərəncamına əsasən, avqustun 20-dən etibarən İstiqlaliyyət və Azərbaycan küçələrinin kəsişməsindən Gənclər meydanı istiqamətinə, meydan daxil olmaqla, Qoşa Qala qapısınadək olan yol müvəqqəti bağlanılır və avtomobillərin hərəkət istiqaməti dəyişdirilir. Bu barədə Trend-ə Bakı şəhər Dövlət Yol Polisi İdarəsinin bölmə rəisi Vaqif Əsədov məlumat verib.
Yol təmir-tikinti işləri ilə əlaqədar bağlanılır və bu işlər başa çatdıqdan sonra açılacaq.
Sürücülərdən və nəqliyyat vasitələri sahiblərindən alternativ yollardan istifadə etmək xahiş olunur.