Azərbaycan, Bakı, 20 oktyabr /Trend/
Ermənistanın "Şant" telekanalının operatoru Eduard Nersisyan Yerevanda vəzifə öhdəliklərini yerinə yetirərkən döyülüb. Trend-in məlumatına görə, bu barədə cümə axşamı "Novosti-Armeniya" agentliyinə Ermənistan polisinin mətbuat xidmətindən məlumat verilib.
"Dünən operator Maştots polis şöbəsinə müraciət edib və xəbər verib ki, oktyabrın 17-də Yerevandakı evlərdən birində aparılan çəkilişdən sonra bir neçə naməlum şəxs onunla və dostu Samvel O. ilə mübahisə ediblər, onlara əl və ayaq zərbələri ilə bədən xəsarətləri yetiriblər", - məlumatda deyilir.
Zərərçəkənlər məhkəmə-tibbi ekspertizaya göndəriliblər. İlkin istintaq aparılır.
"Şant" telekanalının məlumatına görə, Eduard ağır vəziyyətdədir.