Azərbaycan, Bakı, 25 oktyabr / Trend müxbir E.İsmayılov/
Heydər Əliyev Beynəlxalq Hava Limanının beynəlxalq terminalının girişində Aviasiya Təhlükəsizliyi Xidməti işçiləri tərəfindən təyyarəyə avtomat-pistolet keçirilməsinə cəhd edən Azərbaycan vətəndaşı Bəxtiyar Qaraşov saxlanılıb. Bu barədə Trend-ə çərşənbə günü "Azərbaycan Hava Yolları" QSC-nin (AZAL) mətbuat xidmətinin rəhbəri Məhərrəm Səfərli deyib.
Onun sözlərinə görə, həmin sərnişin Bakı-Kiyev reysi ilə uçmaq niyyətində imiş.
Silah saxlanılan şəxsin əl çantasına baxış zamanı aşkarlanıb.
Qaraşov Milli Təhlükəsizlik Nazirliyinə təhvil verilib.