Azərbaycan, Bakı, 27 oktyabr /Trend/
Gürcüstanda oktyabrın 27-30-da idman qayayadırmanması üzrə yarış keçiriləcək. Turnirdə Azərbaycan Hava və Ekstremal İdman Növləri Federasiyasının (FAİREX) qayayadırmananları da iştirak edirlər. Bu barədə Trend-ə FAİREX-dən məlumat verilib.
Gürcüstan İdman Qayayadırmanması Milli Federasiyasının təşkil etdiyi və Mixail Xerqianinin xatirəsinə həsr olunmuş yarış onun anadan olduğu Svanetiya bölgəsində süni qayalıqlarda iki növ - sürət və mürəkkəblik üzrə keçiriləcəkdir.
Gürcüstan idmançıları bu il keçirilən idman qayayadırmanması üzrə açıq Azərbaycan çempionatının hər iki mərhələsində iştirak edərək müvəffəqiyyət qazanmışdılar.