...

FHN Dövlət Yanğından Mühafizə Xidməti yanğın-taktiki təlim keçirib

Cəmiyyət Materials 24 Noyabr 2011 19:07 (UTC +04:00)
Fövqəladə Hallar Nazirliyinin Dövlət Yanğından Mühafizə Xidməti Heydər Əliyev adına Bakı neft emalı zavodunda yanğın-taktiki təlim keçirib.
FHN Dövlət Yanğından Mühafizə Xidməti yanğın-taktiki təlim keçirib

Trend-i buradan izləyin

Azərbaycan, Bakı, 24 noyabr /Trend/

Fövqəladə Hallar Nazirliyinin Dövlət Yanğından Mühafizə Xidməti Heydər Əliyev adına Bakı neft emalı zavodunda yanğın-taktiki təlim keçirib.

Trend-in cümə axşamı FHN-in saytına istinadən yaydığı məlumata görə, Bakı neft emalı zavodunun 2 saylı istehsalat sahəsinin 22 nömrəli qurğusunun vakuum bölməsinin K-1 kolonunda şərti qəza nəticəsində 43 metrlik kolonun 37-ci metr səviyyəsində yanğın baş verib. Kolonda olan neft məhsulları xaricə çıxmaqla ətrafa dağılıb və yanıb.

Təlimə 4 nömrəli çağırışla Dövlət Yanğından Mühafizə Xidmətinin Bakı qarnizonunun qüvvə və vasitələri - 16 əsas və 7 xüsusi təyinatlı yanğınsöndürən avtomobil, 115 nəfər şəxsi heyət, zavodun 21 nəfər mühəndis-texniki personalı cəlb edilib.

Təlimdə yeni alınmış yanğınsöndürən avtomobillərin və "PURQA" tipli köpüklə söndürmə qurğularının ekstremal vəziyyətlərdə taktiki-texniki imkanlarından maksimum istifadə qaydaları öyrənilıb, şəxsi heyətin fiziki səviyyəsi nümayiş etdirilib, döyüş, peşə, və psixoloji hazırlığının artırılması istiqamətində müvafiq işlər görülüb. Təlimdə qarşıya qoyulmuş məqsədə tam nail olunub.

Xəbər lenti

Xəbər lenti