Azərbaycan, Bakı, 16 mart / Trend müxbir İ.İsabalayeva/
Monteneqronu "Eurovision 2012"-də təmsil edəcək Rambo Amadeus müsabiqə mahnısını və klipini təqdim edib.
Trend-in eurovisin.az saytına istinadən verdiyi məlumata görə, yaradıcı heyət "Euro-Neuro" adlanan mahnıda tamaşaçılara ekologiyanın qorunması ilə əlaqədar konkret ismarıc da verir. Mahnıda hər kəs avtomobil sürməkdən imtinaya və velisoped sürməyə dəvət olunur.
Qeyd edək ki, Monteneqro təmiz ekologiyasına görə tanınır.
Rambo Amadeus mayın 22-də birinci yarımfinalda çıxış edəcək. Mügənni həm də YUNİSEF-in Monteneqrodakı səfiridir.
Video Player