Azərbaycan, Bakı, 11 aprel / Trend, müxbir M.Əliyev /
2020-ci il olimpiadasının keçirilməsinə namizəd kimi Bakının bir çox üstünlükləri var. Azərbaycanın gənclər və idman naziri Azad Rəhimov belə hesab edir.
"Hazırda bizim üçün prioritet namizəd şəhərlərin qısa vərəqəsinə daxil olmaqdır", - Trend-in məlumatına görə, Rəhimov "İzvestiya" qəzetinə müsahibəsinə deyib.
Bakının üstünlükləri sırasında nazir idman yarışlarının keçirilməsi üçün ideal iqlimi göstərib, "son dərəcə gözəl sahil xəttini" isə ondan da gözəl adlandırıb.
"Biz habelə qonaqları ölkəmizin zəngin tarixi ilə tanış etməyə hazırıq. Bundan başqa və xüsusilə maliyyə vəziyyətinin qeyri-stabil olduğu dövrdə vacib olan Azərbaycan iqtisadiyyatının dünyada ən güclü və sürətlə artan iqtisadiyyatlardan biri olmasıdır", - Rəhimov deyib.
2020-ci il Yay Olimpiya Oyunlarına ev sahibliyi etməyə beş şəhər iddia edir: Bakı, Doha (Qətər), Madrid (İspaniya), İstanbul (Türkiyə) və Tokio (Yaponiya). Namizəd şəhərlərin ərizələrinin ilk təqdimatı Moskvada keçiriləcək.
Rəhimovun sözlərinə görə, bir vaxtlar Azərbaycan Qış Olimpiya Oyunlarının Rusiyanın Soçi şəhərində keçirilməsini tam şəkildə dəstələmişdi.
"Soçinin ərizəsi bizi 2016-cı ildə Yay Olimpiya Oyunlarının Bakıda keçirilməsi üçün və bu gün 2020-ci il olimpiadasına ərizə verməyə ruhlandırdı. Biz "Soçi-2014"-ün Təşkilat Komitəsi ilə sıx əlaqə saxlayırıq və Soçinin hazırlıq təcrübəsindən çox şey öyrənmişik. Rusiya Olimpiya Komitəsi və BOK-dakı Rusiya nümayəndələrindən dəstək ərizəmizin uğuru üçün əssas amillərdən biridir", - nazir qeyd edib.