Azərbaycan, Bakı, 12 aprel /Trend, müxbir İ.İsabalayeva/
Ümumdünya Turizm Təşkilatı Azərbaycanda 2013-cü ildə keçiriləcək II Ümumdünya Mədəniyyətlərarası Dialoq Forumunun tərəfdaşı olacaq.
Trend-in məlumatına görə, Azərbaycanın mədəniyyət və turizm naziri Əbülfəs Qarayev cümə axşamı jurnalistlərə bildirib ki, bu forum ilk dəfə keçiriləndə onun 5 tərəfdaşı var idi.
Nazir deyib ki, bundan sonra ÜTT-də Azərbaycanı təmsil edən daimi işçi olacaq. Nazirliyin Beynəlxalq əlaqələr şöbəsində çalışmış Müsəllim Əfəndiyev bundan sonra Azərbaycanı ÜTT-də təmsil edəcək.