Azərbaycan, Bakı, 4 may /Trend, müxbir A.Tağıyeva/
Türkiyə Rusiya vətəndaşlarının ölkədə vizasız qalma müddətini 30 gündən 60 günədək uzadıb. Bu barədə Trend cümə günü "Resmi Gazete"yə istinadən məlumat verir.
Müvafiq qərarı Rusiya tərəfinin dəfələrlə müraciətindən sonra Türkiyə hökuməti qəbul edib.
Bununla yanaşı, yerli KİV qeyd edir ki, Ankara oxşar addımı Moskvadan gözləyir. Belə ki, Moskva indiyədək Türkiyə tərəfinin müraciətinə cavab verməyib.