Azərbaycan, Bakı, 24 avqust /Trend, müxbir T.Cəfərov/
İran prezidenti Mahmud Əhmədinejad bu gün səhər Şərqi Azərbaycanda zəlzələ bölgəsinə səfər edib.
Trend-in məlumatına görə, bu barədə İRNA agentliyinə istinadən məlumat verir.
Məlumata əsasən, Əhmədinejad öncədən elan olunmamış səfər zamanı Əhər, Vərzeqan və Həris şəhərlərinin bəzi kəndlərində zəlzədən sonrakı vəziyyət və görülmüş işlərlə yaxından tanış olacaq.
Səfərdə ƏHmədinejadı ölkənin daxili işlər naziri, kənd təsərrüfatı naziri, mədəniyyət naziri və qırmızı aypara cəmiyyətinin rəhbəri müşaiət edirlər.
Avqustun 11-də İranın Şərqi Azərbaycan əyalətində 6,2 bal gücündə baş vermiş zəlzələ nəticəsində 300 nəfər ölüb, 2500 yaxın adam xəsarət alıb.