Azərbaycan, Bakı, 4 sentyabr /Trend, müxbir İ.İsabalayeva/
Tələbə Qəbulu üzrə Dövlət Komissiyası (TQDK) ümumi orta təhsil bazasında (9 illik) orta ixtisas təhsili müəssisələrinə keçirdiyi qəbul imtahanının nəticələrini açıqlayıb.
Komissiyadan çərşənbə axşamı Trend-ə verilən məlumata görə, imtahan nəticələri artıq qurumun saytına yerləşdirilib.
İmtahan Bakı, Naxçıvan, Gəncə, Sumqayıt, Mingəçevir, Şəki, Ağcabədi, Göyçay, Şirvan, Salyan, Lənkəran və Xaçmaz şəhərlərində keçirilib.