Azərbaycan, Bakı, 24 sentyabr /Trend, müxbir İ.İsabalayeva/
Azərbaycanda ilk dəfə olaraq, Bakı şəhərində 3D texnologiyasının tətbiq olunduğu fənn kabineti yaradılıb.
Bakı Şəhəri üzrə Təhsil İdarəsindən bazar ertəsi Trend-ə verilən məlumata görə, bu kabinet ilk dəfə olaraq, Bakıdakı 18 saylı orta məktəbdə təşkil edilib. Kabinetdən yuxarı sinif şagirdləri istifadə edə biləcəklər.
3D formatı məktəbdə tədrisin daha yaxşı təşkil olunmasına, görüntülərin daha canlı verilməsinə imkan yaradacaq.