Azərbaycan, Bakı, 11 noyabr /Trend/
Sabah Azərbaycanın əksər ərazilərində, o cümlədən paytaxt Bakıda havanın temperaturu bir qədər də düşəcək və yağış yağacaq.
Ekologiya və Təbii Sərvətlər Nazirliyinin Milli Hidrometeorologiya Departamentindən Trend-ə bildiriblər ki, noyabrın 12-də Bakıda və Abşeron yarımadasında havanın dəyişkən buludlu olacağı, arabir tutulacağı gözlənilir. Gecə və axşam bəzi yerlərdə yağış yağacağı ehtimalı var. Bakıda gecə 7-9°, gündüz 10-12° isti olacaq.
Azərbaycanın əksər ərazilərində noyabrın 12-də yağış yağacağı, arabir intensivləşəcəyi ehtimalı var. Temperaturun gecə 6-11°, gündüz 11-16°, dağlarda gecə 0-4°, gündüz 5-9° isti olacağı gözlənilir.