Azərbaycan, Bakı, 6 iyun / Trend /
Rusiyanın iri Yandex.ru axtarış sisteminin Trend BİA-nın www.Trend.az saytı üçün hazırladığı Sitatgətirmənin Tematik İndeksi (STİ) iyunun əvvəlindən 3500 ədəd təşkil edib. Bu, Cənubi Qafqaz regionunun xəbər saytları arasında ən yüksək göstəricidir. SТİ digər saytların istinadlarının keyfiyyət xarakteristikası nəzərə alınmaqla resursun nüfuzluluğunu müəyyən edir. Yandex bu keyfiyyət xarakteristikasını istinadların "çəkisi" adlandırır.
"Google Analytics" xidmətinin məlumatına görə, 2013-cü ilin yanvar-may aylarında Trend BİA saytına 2,26 milyondan çox adam baş çəkib. Mayda onların sayı 535 mini ötüb. Bu ilin yanvar-mayında istifadəçilər tərəfindən saytın 11,3 milyondan artıq səhifəsinə baxılıb. Mayda onların sayı 2,4 milyondan çox olub.