Azərbaycan, Bakı, 6 may /Trend/
Baş Prokurorluq hüquq müdafiəçisi Mətanət Əzizovanın evində aparılan axtarışla bağlı məsələyə aydınlıq gətirib.
Respublika Baş Prokurorluğunun mətbuat xidmətindən Trend-ə verilən məlumata görə, Hüquqi qeydiyyatdan keçməyən Qadın Krizis Mərkəzi adlı Qeyri-Hökumət Təşkilatının rəhbəri Mətanət Əzizovanın qeydiyyatda olduğu və faktiki yaşadığı ünvanda Baş Prokurorluğun Ağır cinayətlərə dair işlər üzrə İstintaq İdarəsinin əməkdaşları tərəfindən məhkəmənin qərarı əsasında axtarış aparılıb.
Mənzildən iş üçün əhəmiyyət kəsb edən sənədlər və elektron daşıyıcılar aşkar edilərək maddi sübut kimi götürülüb.