Azərbaycan, Bakı, 20 may /Trend, müxbir T.Cəfərov/
İran İslam Respublikası Radio və Televiziya Təşkilatının Bakı ofisinə yeni müdir təyin olunub.
Trend-in İranın Azərbaycandakı səfirliyinə istinadən verdiyi məlumata görə, yeni müdir Mehdi Rasidir. O, indiyədək bu vəzifədə çalışan Əhməd Kazimini əvəz edib.
Yeni müdir artıq Bakıdadır və təhvil-təslim işləri həyata keçirilir.
Qeyd edək ki, Ə.Kazimi 5 il idi ki, İranın dövlət televiziyasının Bakı ofisinin rəhbəri vəzifəsində çalışırdı.
M.Rasi bundan öncə İran Radio və Televiziya Təşkilatının Şərqi Azərbaycan və Qərbi Azərbaycan əyalətləri üzrə ofislərində müdir müavini vəzifələrində çalışıb.