...

Sabahdan Azərbaycanda havanın temperaturu yüksəlməyə başlayacaq

Cəmiyyət Materials 15 İyul 2014 12:29 (UTC +04:00)
Sabahdan başlayaraq Azərbaycanda temperaturun tədricən yüksələcəyi gözlənilir.
Sabahdan Azərbaycanda havanın temperaturu yüksəlməyə başlayacaq

Azərbaycan, Bakı, 15 iyul /Trend, müxbir İlhamə İsabalayeva/

Sabahdan başlayaraq Azərbaycanda temperaturun tədricən yüksələcəyi gözlənilir. Amma yaxın günlər ərzində güclü istilərin olacağı proqnozlaşdırılmır.

Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosunun baş hidroloqu Asif Verdiyev Trend-ə bildirib ki, iyulun 16-da Bakıda və Abşeron yarımadasında hava şəraiti dəyişkən buludlu, yağmursuz olacaq. Mülayim şimal-şərq küləyi əsəcək.

Bakıda və Abşeron yarımadasında gecə 20-25, gündüz 30-35 dərəcə isti olacaq.

Azərbaycanın rayonlarında iyulun 16-da hava əsasən yağmuruz olacaq. Lakin gecə və axşam bəzi dağlıq ərazilərdə şimşək çaxacağı, qısamüddətli yağış yağacağı gözlənilir. Mülayim şərq küləyi əsəcək.

Aran rayonlarında havanın temperaturu gecə 20-25, gündüz 33-38, dağlarda gecə 11-16, gündüz 23-28 dərəcə isti olacaq.

Məqalədə:
Xəbər lenti

Xəbər lenti